منسيناكش // بقلم صقر الحروف الزجال المحجوب بوسبولة
//////+++منسيناكش+++//////
منسيناكش وانت بلادي
يالحاضنة الزرقطوني وعلال
ياروحي ياارض جدادي
حروك ولادك نسا ورجال
خلينا لستعما ر ف الضيق
ضحينا بالغالي ونفيس
ساندنا عز الناس ورفيق
والخامس ف البال عز لونيس
احنا ولاد طارق وزياد
حب بلادنا ياك في لعماق
هاحبنا ليها سر لعياد
منقوش ف قلوبنا وزايد شواق
وتكلم حقنا عالم سمع
هذا حقنا ذاك المنشود
والمستعمر طاع ووقع
هذا حقنا من عهد جدود
سرجنا للخامس خيلتا
ماسلمنا واناس شاهدة
صدحت بالعالي كلمتنا
وقلوب الشعب حاضرة معاهدة
وتلذذنا بذوق الحرية
وبنينا طوبة طوبة لبلاد
في لمدينة في البادية
هكذا رمز السيادة عاد
هذي مسيرة شعب وسلطان
داك للي رفع راييتنا الفوق
وعرفنا السر ف العنوان
بالعلم سرنا عشنا ف شروق
رجعات لينا الاسرة والملك
خير الخامس راه نفعنا
جاب الحرية شمس لبلادو
ربي فرحة راه وهبنا
رجع الاسرة وزينو ولادو
رجع خامس لينا نفعنا
بقلم صقر الحروف
الزجال المحجوب بوسبولة
تعليقات
إرسال تعليق