يا أمي // بقلم هويدا الناصر
يامشط حن ع شعراتها
دخيلك لاتوجع شيباتها
إشتقت كثير لعيونها
شوحلوة ياربي بسماتها
طيبة كثير أكلاتها
اقعد أنا وهي تحت شجراتها
نشرب القهوة مع جيرانها
كثير مشتاقه لحضنها
وكلامها وحنيتها
اه ياأمي مااصعب فراقها
الدار فاضية بلاها
تاهت الطرقات
وإختفت النجمات
وضاعت الابتسامات
شو حلوة الذكريات
اه ياأمي لوتعرفي
شومشتاق أنام بحضنك
وأسمع دقة قلبك
وابوسك وأشمك
شوطيبة ريحة عطرك
كثير ياأمي اشتقتلك
كبرنا ونحنا نتذكرك
ولا لحظة نسيتك
خيالك وطيفك ملاحقني
بكل خطواتي كأنك
والله قدامي ابتسامتك
ونظراتك وحنانك
اه ياأمي مااصعب فراقك
اتمنى في يوم موتي
أندفن بحضنك
وصيتك كون معك
بحضنك شومتمنية
أستعجل الرحيل
وكون عندكم ياأمي
وياأبي وياأخي
كثير مشتاقلك
عمري مانسيتكم
أحبكم من كل قلبي
يلي مافارقتوا عيني
لروحكم الرحمة والسلام يانظر عيوني
هويدا الناصر 10\6\2025
تعليقات
إرسال تعليق