كارميلا // بقلم الشاعر عادل عثمان الحجار
كارميلا !
؛=====
ياصلاة الزين
ياصلاة الزين
واللي بنقراها كارميلَّا ...
تطلع حسنين !
.
.
كارميلا البت الفرفوشة
وصورها حلوة ونعنوشة
وتغني عليك وتقول كوشة ...
وبتطلع واد محتاج قلمين !
؛***
كارميلا مياصة وقمَّـاصة
محتاجة ف عينيها لرصاصة
بجاحتها بدون أي حَـسَـاسة ،
وبتطلب تبعت لها قرشين !
؛***
كارميلا ياناس بت رخيصة ،
ولاتسوى ف يوم حتى بريزة
تتسرسب دايماً في الهيصة
وف وقت الجد ماتسأل : فين ؟!
؛***
ع النت يابوي أشكال والوان
وبحبة تصاوير بس جنان ...
الواد من دول يعمل أنثى ،
ولايسترجل ؛ أو حتى يبان !
فيجيب اللعنة للي جابوه
ولاحتى دقيقة ياناس ربوه
ومثلنا يقول لو كلب اجرب ...
فبيبقى مصيبة للي أنوه
واما تشوفه إوعى تقرب
.لاحسن تِـجـرَب تئن : ياهوو
.
وانا بابكي عليه ،
ولااقولش دا إيه ؟
لكن اغني :
ياصلاة الزين
؛***
ياصلاة الزين
ياصلاة الزين
على الخنثى بتطلع حسنين
الشاعر عادل عثمان الحجار
؛=================
قضايا إجتماعية مستحدثة
تعليقات
إرسال تعليق