الأوِّلة // بقلم الشاعر عادل عثمان الحجار
الأوِّلة
؛===
الأوِّلة ...
بصوا وشوفوا المهزلة
في المحكمة ...
كل الصقور بتصوغ جُـمَـلهـا الممكنة ...
للطبطبة ...
ع اللي جَنى !
والمحكمة ...
كان إسمها ...
للعدل ؛
أو للإعتنى ...
باللي اتظلم ،
واللي اتفرم ،
واللي يشوف كل الفَـنَـا ...
باسم الأمان والمَـسكَـنَـة !
دي الأوِّلة !
بوتين زمان ...
أدانوه بتهمة معجَـنَـة
أما هنا ...
فمافيش قرار !
والكل بيبلَّـغ فرار ،
ويقول يدوبك دمعتين ...
ع اللي حصل من دا الدمار
الأوِّلة ،
والتانية ،
والتالتة ،
والرابعة ،
والعاشرة ...
ممنوع قرار !
يادي الهزار !!!!!
أما السلاح ...
كله مباح ...
لاجل الإيادة والفنا ...
للي بيحرس أرضه وبيزرع زتـون
كل السلاح يطلع عشان ...
نلقى الأتون ...
للي يعيش أو يتولد ...
لابد حالاً يتوئـد !
ومافيش قرار
أما الهزار ...
بس القرار / الطبطبة
مااحنا في قعدة مصطبة ...
تحمي سموم العقربة !!
الشاعر عادل عثمان الحجار
؛=================
تعليقات
إرسال تعليق