حكمة الله تعالى فى التوازن الكونى // بقلم د . علوى القاضى
... حكمة الله تعالى فى التوازن الكونى
بقلمى: د/علوى القاضى.
... من حكمة الله سبحانه وتعالي في خلقه وجود التنوع والتضاد في الكون فى نفس الوقت
... فكما أن هناك الموجب يوجد السالب
... ومع وجود الليل يوجد النهار
... ولكل جيتار سعيد ناي حزين والإثنين في فرقة موسيقية واحده ليعزفوا لنا أرقي وأعذب الألحان
... وحكمة الخالق من هذا التنوع هو وجود إتزان وتكامل في الكون حتي تستقيم الحياه
... والأهم من ذلك كما أن هناك غني يوجد بجواره فقير
... الغني يستمتع بماله وينسي أنه إبتلاء من الله له فهل سينجح في الإختبار بإخراج زكاة ماله وبصدقته علي الفقير
... كذلك جعل الله الفقر إبتلاء لأصحابه أيصبرون علي فقرهم ويجأرون إلي الله بالدعاء
... ضعاف النفوس والقلوب والعقول لايفهمون أن الله يمنع ليمنح
... ذات يوم ذهبت لأشترى أغراض للبيت
... دخلت محل لاقيت اللى قاعدة فيه ست وبنتها جنبها وبتذاكر لها ، وأنا بختار حاجتي رن تليفون صاحبة المحل فهمت منه إن صاحب البيت بيهددها بالطرد لو مادفعتش الإيجار المتأخر من خمس شهور !!
... المهم إشتريت طلباتي وحاسبتها
... و دخلت المحل الثاني وأنا بحاسب الراجل اللى قاعد سمعت صاحبه بيقوله شفت بقى ياعم وشى حلو عليك إزاى كنت عمال تقول الحال واقف و مفيش بيع
... دخلت المحل اللي بعده وهو بيوزن حاجتي سمعت إبن صاحب المحل بيقوله يلا بقي يابابا أنا هموت من البرد
... رد عليه الراجل :
إصطبر يابني ده ربنا رزقنا فى ساعة زى دى عشان عالم بحالنا
... الخلاصة :
... بعد الحوار ده أنا عايز أقول إن الناس اللى عندها محلات صغيرة زى دى تعبانة جدا وحالها واقف ومعندهاش دخل شهرى ثابت وبتنحت فى الصخر عشان تجيب لقمة عيش لعيالها والبلد حالها صعب أوى
... فلو مش فارقة معاك وربنا ساترها دور على المحلات دى جنبك واشترى منها
... بدل ما تروح تشترى من محلات كبيرة أوى أصحابها مليونيرات عشان توفر جنيه ولا إتنين وتلاقى نفسك فى الآخر لاوفرت ولا حاجة ويمكن يسرقك
... واعتبر ده نوع من أنواع الصدقة المخفية اللى ربنا هيردها لك أضعاف أضعاف فى رزقك
... ولما تروح للناس الغلابه دول ماتتشطرش عليهم وتحسس نفسك بنشوة الإنتصار عليهم وتستقواهم في ملاليم وتصرف الملايين عند الأغنياء
... هكذا الحياه مزيج بين الناي الحزين والجيتار السعيد بين الحلو والمر بين الغنى والفقر
... تحياتي ...
تعليقات
إرسال تعليق