آه يا ريتني // بقلم الشاعر و الكاتب سلمان ابراهيم
آاااه ياريتني متلك يا بييّ
مرتاااح وقاعد ببريّة
نسيم الصبح تتنفسه ع.الريق
وتطلع عليك الشمس دافيّة
سنينك بعد القرن معدودات
وبتقول بعدي صغير يا خييّ
مانك بأخبار الحروب والنكبات
ولاكورونا ولا أمراض معديّة
ومابتسمع عن غلا الأسعار
والناس.. .وأحوالها القاسية
مفكر بخمس ليرات كيلو الموز
وبيطلعلك ثلاث جبسات بالميّة
لاتفكر بالغاز .......والمازوت
عندك حطب بيطالعك شتوية
وأمي بجنبك تحكيلك حكايات
وترجّعك بالفكر ع.أيام منسيّة
صدر الحلو تشتروه بالبيضات
ورطل اللحم بفرنكات فضيّة
وبالبيت كانوا جيرانكم البقرات
يعطوكم من الخيرات كمية
براميل كانت فائضة بالزيت
والقمح كان فيه عشرين خاليّة
ياريتني متلك وقاعد بشي كوخ
ولا شوف من البشر إنسيّة
الشاعر و الكاتب سلمان ابراهيم
تعليقات
إرسال تعليق